သီးနှံစိုက်ပျိုးထုတ်လုပ်မှုတိုးတက်မြင့်မားရေးအတွက် သီးနှံစိုက်ပျိုး ပြုစုသည့် နည်းစနစ်များ၊ သီးနှံ မျိုးကောင်းမျိုးသန့်များ၊ လယ်ယာ သွင်းအားစုများကို ထိရောက်စွာ သုံးစွဲနည်းများ၊ ပိုးမှှားရောဂါ ကာကွယ်နှိမ်နင်းနည်းများ စသည်တို့ကို တောင်သူလယ်သမားများ သိရှိ လိုက်နာ ဆောင်ရွက်လာစေရန် စည်းရုံး လှုံ့ဆော် ပညာပေးခြင်း လုပ်ငန်းများကို လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနက ကြိုးပမ်း ဆောင်ရွက်လျှက်ရှိသည်။ ထို့ပြင် တောင်သူလယ်သမားများ အနေဖြင့် စျေးကွက်စီးပွားရေးခေတ်ကာလတွင် မိမိစိုက်ပျိုး ထုတ်လုပ်သော သီးနှံများနှင့် အဓိက သွင်းအားစုဖြစ်သော ဓာတ်မြေသြဇာများ၏ ပြည်တွင်းပြည်ပစျေနှုန်း သတင်းအချက်အလက်များ ကိုလည်း သိရှိအသုံးပြုနိုင်ရန် ထုတ်ပြန်ပေးလျှက်ရှိသည်။
တိုးချဲ့ပညာပေးခြင်းလုပ်ငန်းကို သတင်းစာ၊ ဂျာနယ်၊ စာစောင်၊ ရေဒီယို၊ ရုပ်မြင်သံကြား စသည့် မီဒီယာများမှတဆင့် ဆောင်ရွက်လျှက်ရှိ သကဲ့သို့ တောင်သူများနှင့် တွေ့ဆုံဆွေးနွေး ဟောပြောခြင်း၊ စိုက်ခင်းများတွင် လက်တွေ့ပြသခြင်း၊ စပြကွက်များစိုက်ပျိုးပြသခြင်း၊ လေ့လာရေးခရီးစဉျများ စီစဉျပေးခြင်း စသည့် နည်းလမ်းအသွယ်သွယ်ဖြင့် ဆောင်ရွက်လျှက်ရှိသည်။