စိုက်ပျိုးထုတ်လုပ်သူ တောင်သူလယ်သမားများအတွက် ဝင်ငွေတိုးတက်မှု၊ အကျိုးအမြတ်ရရှိမှုတို့ မှာ ထွက်ရှိသည့် သီးနှံပမာဏအပေါ် တွင်သာမက ယင်းသီးနှံများကို ရောင်းချရသည့် စျေးနှုန်း အပေါ်တွင်လည်း မူတည်လျှက်ရှိသည်။ တောင်သူလယ်သမားများအနေဖြင့် သီးနှံစိုက်ပျိုးထုတ်လုပ်မှု လုပ်ဆောင်ရာတွင် မိမိလယ်ယာထွက်ကုန်ပစ်စည်းများနှင့် ထည့်သွင်းအသုံးပြုသော သွင်းအားစု ပစ်စည်းများ၏ စျေးနှုန်း သတင်းအချက် အလက်များကို သိရှိအသုံးချနိုင်စေရန် လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနက လယ်ယာထွက်ကုန် စျေးနှုန်း သတင်းအချက် အလက်များကို စုစည်းထုတ်ပြန်ပေးလျှက်ရှိသည်။